In una die de ierru, s’illusione aumentada sa delusione

In una die de ierru, s’illusione aumentada sa delusione

*La cronaca è stata redatta utilizzando lessico e sintassi del sardo terranovese*

Primu tempus isciapidu giogadu meda a centro ‘e campu, solu tres pallonese arrivana accultu a sa polta: Ragatzu in su 18mu minutu rizevidi unu cross de Emerson dae sa bandierina, a bolu tirat folte subra a sa travessa.

Sette minutos pius taldu, Tonelli a centro ‘e campu inventada e dada unu bellu pallone a Rossetti, chi no si faghede pregare e fuidi in s’area olbiesa, Sposito bessidi e parada ma peldet sa presa, Vano la rizevidi e chilcada de signare a polta boida, sa difesa salda si salvada in sa linia. Da poi Santini lassadu a sa sola resessidi a fuire e si presentada andainnanti a Sposito, ma isbagliada e si peldede s’occasione pro sos romagnolos, tando s’arbitro frusciada sa fine de su primu tempus.

Su segundu tempus torrada a s’istessa manera de su primu, meda giogu ma portierese pagu impignados, cando a su 69mu Ragatzu frimmada su pallone accultu a sa bandierina de manca. Parede un’atzione chena pretesa, comente medas àtteros, cun fintasa e contraffintasa, s’iscaltada mesa difesa, dae sa linia de s’area manna tirada un’istaffilada, chi su poltiere cobeltu bidet solu intro a sa rete: 1-0.

Como Rimini attacada cun sa folza de sa disperazione, ma Olbia est ‘ona de tennere su controllu in difesa cando a chimbe minutoso dai sa fine de sa paltida, sos riminesos balanzana una punizione dubbia in s’ala ‘e manca de s’attaccu insoro. Gabbianelli ponede in area unu cross velenosu, su poltier de s’Olbia resessidi solu a dare unu zaffu a su pallone chi ruede in pèse a Santini. Chena bi pensare meda su bomber tirada a bolu e signada sa rete numeru 14 de cust’annu. 

Restada pagu tempus pro podere cambiare unu destinu intreu e sos cambios no cambiana nudda. Su logu in sa classifica restat cussu de su perigulu, b’ada ancora un’andada de paltiidasa de giogare, ognuna ada a essere una finale. Selvini a binchere su campionadu ch’est in bassu.  S’isperanscia no moridi mai.

Mario Bua