Bantzigallende subra sa punta de sa mesania

Partida in pigada pro Olbia chi ruet suta de una rete a su minutu 28, sufrit in su primu tempus sa balia de sos toscanos, pro agatare animu nou a incomintzu de su segundu, gratzias a su pede manchinu de Emerson. Apparinada sa gara sos sardos bogant a pizu ideas, identidade e unu giogu superiore a sa contra, gasì comente in meda ateras partidas, chena resessire a giompere a se zelu isperadu e meritadu de sos tres puntos.

Comente nadu, Pontedera tuccat metzus in su primu tempus, no che colant mancu duos minutos cando Brignani isbatzinat in porta. Dae sa boccia deviada naschet su primu corner pro s’iscuadra de intro ‘e domo, Ciocci ch’istegiat su perigulu a punztos tancados. A su minutu 9 bi proat semper Pontedera cun Magnaghi, pagu pretzisu su tiru sou si perdet in foras.

Olbia paret birgonzosa ma cominzada a jumpare sa mesania de sa contra, geniosa sa giogada de Emerson a manca pro Travaglini, chi lassadu solu fuit e crossat ma no agatat a niune prontu a profitare in mesu ‘e area, tando su Pontedera potet liberare. Sos meres de domo cumprendent bene chi no potent burlare meda e sighint a ispinghere cun Catanese, Benedetti e torra Brignani, chena oriolare Ciocci pius de tantu, fintzas a su minutu 28, cando su tiru pagu potente ma pretzisu de Magnaghi, violat sa porta defesa dae Ciocci.

Sos toscanos abbarrant meres de su giogu puru e a banda carchi timorosa proa de Biancu sos istrantzos no parent appant sa capatzidade de podere ortulare su sestu de sa stramas  toscanas.

Mudat su tempu totu mudat. S’arbitro at frussciadu dae pagu s’incomintzu nou e Olbia furriat Pontedera a pes in terra. Prima Mancini, pustis Boccia balanzant una punizione in sos tretos de s’area contraria, sa segunta dae sa lunedda, la preparant Emerson cun Ragatzu e su tiru manchinu de su babbu mannu de sos piseddos nostros no perdonat.

Sos sardos leant in manu sa briglia de su giogiu e che tancant sos meres in sa mesania issoro, donende s’impressu de podere giompere a sa rete in donzi mamentu. Paret fatu cando Pinna, bintradu in su segundu tempus in logu de Pisano, agatat in pes sa boccia bona pro rupire sa linea bianca de sa porta. A sa sola, dae accurtzu isbatzinat seguru, che colat su portiere ma in mesu sa sorte b’at postu s’anca innotzente de unu defensore…est su minutu 73.

Sa partida donat unu pareggiu chi a sa fine accuntentat totus. Sos meres s’accurtziant a sos play off e sos istrantos che si tenent foras dae sos play out, cun s’isperu chi una orta aggabbada sa chistione salvezza, si potant giogare tra meritu e sorte, s’intrada a sas tancas fioridas de su chelu de sos play off, issos puru.

Mario Bua, Amistade

Condividi l'articolo

Scopri il nostro shop

Mostra il tuo orgoglio per i nostri giocatori e renditi protagonista del gioco.

Ultime notizie

comunicato

L’Olbia Calcio è lieta di annunciare il consolidamento della partnership con Geasar,

comunicato

La società rende noto che Gianluca Contini e Alessandro Corti terminano la

comunicato

L’Olbia Calcio è lieta di annunciare l’acquisizione dei diritti alle prestazioni sportive

comunicato

L’Olbia Calcio è lieta di annunciare il consolidamento della partnership con Geasar,

comunicato

La società rende noto che Gianluca Contini e Alessandro Corti terminano la

comunicato

L’Olbia Calcio è lieta di annunciare l’acquisizione dei diritti alle prestazioni sportive

Scopri il nostro shop

Mostra il tuo orgoglio per i nostri giocatori e renditi protagonista del gioco.