La tenimus in Zona Boganini

A s’últimu alenu s’Olbia giompet a s’aparinada in su Nespoli, contra a su San Donato Tavarnelle, cun s’ómine de sos minùtiles finales: Larentu Boganini. Chi però comintzat sa gioghera a costazu de Occhiuzzi, chi mintet a campu Gelmi portieri, in defesa Bellodi in mesu, ajuadu dae Emerson a manca e Brignani a dresta. In mesania in s’oru drestu Fabbri, in cussu mánchinu Travaglini, e intra a issos Incerti, Minala e Biancu. In atacu Ragatzu cun Contini.

Luego tronat s’Olbia: tiru de Minala a su primu minùtile, dae fora de áera, altu de pagu. Ma est rùndine chi non annùntziat beranu, ca apena tres giros de rellozu e Ubaldi fuet a sa defesa sarda, che brincat a Gelmi in bèssida disisperada e posidat in sa retza sa bòcia chi suzellat su aju de sos tuscanos. Sos biancos s’arrempellant impiberidos e a su de 7 minùtile agatant s’aparinada: lànciu longu de Emerson chi arrivit a Ragatzu, chi frimmat sa bocia e bràssamat Cardelli. Una falada guasi precisa a su de 11, ma custa borta Tanielleddu intzichit sa traessale.

Su San Donato est torra perigulosu in contra-giogu a su minùtile 18, Galligani fuit lestru in sa dresta ma perdet tempus e daghì tirat a porta Gelmi est prontu a parare. Ma a su de 34 torrat a dainnanti: fallu de Emerson serente a sa linea de s’áera bianca: punitzione a duos cun Casadei chi ùnfiat sa retza. S’Olbia respondet cun Ragatzu de conca a su de 40, dae tiru traessu de Brignani, ma sa bòcia non intrat e daboi de duos minùtiles de tempus annantu s’árbitru declarat congruida sa prima fache de sa gara.

A sa torrada in campus, pagu sutzedit finas a su minùtile 60, daghì Ragatzu – sémper isse – bi proat dae punitzione, ma sa mìria est alta. Ses bortas de rellozu e Occhiuzzi chircat de abbolotare una gara sonnigosa: mintet Renault pro Fabbri e renuntziat a unu mesanu, Incerti, pro pònnere una turre in mesu de áera, su longarone Babbi. Ma che colant áteros deghe minùtiles e a su de 76 est Bellodi chi incorrat unu tiru dae sa banderedda, ma sa bòcia est fora de paga mesura. Occhiuzzi misciat torra sas carta mintende La Rosa pro Minala e Konig pro Emerson.

Su tempus de bìdere una bella ischirchinada de Biancu chi serentat sa traessa a su de 84 e daboi de bàtoro minùtiles intrat in bonora Larentu su Mannìficu, chi bi ponet solu unu minùtile a pònnere sa frimma a sa gara: semus a su de 89, sa bòcia arrivit a Boganini chi si l’acontzat, áltziat sa conca e tirat una fusilada chi ammurtìjinat sos tuscanos.

In su tempus de recùperu Contipelli e Contini brigant in campu e s’árbitru che los mandat ambos-duos a si pasare. Una isconcada de Konig intzichit unu defensore anzenu a su minùtile 96 e s’árbitru non nos cuntzedit s’últimu tiru dae sa banderedda. Sa gioghera si serrat in aparinada.

Cun sos giornalistas Occhiuzzi si mustrat in mega bona: “Apo bidu s’iscuadra chi cherzo, at giogadu, at apretadu e est istada cumpata. Semus istados perigulosos intrende in áera, a dolu mannu semus istados pagu atentzionados in sas bagatellas. In contu de sas retes leadas, in sa prima Gelmi deviat èssere pius a dainnanti, in sa segunda nesciunu at incurtziadu a sa bòcia daghì est arrivida a Calamai“. Brignani – de sos menzus in campu, si non su menzus – sighit in sa mantessi andamenta: “Nos ant cundennadu sas bagatellas, ma ischiamus dae su comintzu chi gioghende cun sa linea de defesa alta, aiamus ápidu calchi arriscu. Ma est sa manera giusta de giogare, ca non cumpatat e nos fághet pius briosos. Pecadu pro non áere bìnchidu, e finas pro cussu, amus a bandare a Carrara pro nos nde tostare sos tres puntos“.

Condividi l'articolo

Scopri il nostro shop

Mostra il tuo orgoglio per i nostri giocatori e renditi protagonista del gioco.

Ultime notizie

comunicato

L’Olbia Calcio è lieta di annunciare il consolidamento della partnership con Geasar,

comunicato

La società rende noto che Gianluca Contini e Alessandro Corti terminano la

comunicato

L’Olbia Calcio è lieta di annunciare l’acquisizione dei diritti alle prestazioni sportive

comunicato

L’Olbia Calcio è lieta di annunciare il consolidamento della partnership con Geasar,

comunicato

La società rende noto che Gianluca Contini e Alessandro Corti terminano la

comunicato

L’Olbia Calcio è lieta di annunciare l’acquisizione dei diritti alle prestazioni sportive

Scopri il nostro shop

Mostra il tuo orgoglio per i nostri giocatori e renditi protagonista del gioco.