S’Olbia arriscat ma non piscat

S’Olbia tuccat bene meda e faghet comprendere chi no est bennida a Pesaro in chirca de pareggiu.

Bastant battor minutos chi Emerson dae sa bandela ricamat unu cross chi preguntat solu de podere rupire sa linea bianca de sa porta. Sperotto bi credet. S’isconchinada sua agatat, Farroni prontu chi bi ponet sa manu in mesu e cumprit su miràculu. Nudda ìe ite faghere, su destinu paret sinnadu e s’isterrida nodida: sos sardos cumandant su giogu, no agatant sa ‘ia de sa rete e tando bi pensant sos marchigianos. Sa boccia ballat cun perigulu in s’area olbiesa, Di Paola tando, lassadu solu, profitat e isbatzinat suta sa traversa, inue Sposito mai potet giompere. Prima La Rosa dae attesu, pustis Nanni dae duos passos e Contini cun atzione personale proant a  apparinare sa gara, ma sa porta de domo paret inviolabile e s’arbritro frusciat sa fine de su primu tempus.

Su segundu tempus mantenet su matessi tema: Aucelli commitit una faddina mala abberu, sa boccia ruet in su manchinu de Ragatzu, lestru che lepere si buffat mesa defesa s’accherat solu innanti a su bardianu e isbatzinat a cantu potet, ma Farroni b’est e torrat a sarvare sa porta sua, a su minutu 58. Arboleda puru bi proat a su minutu 71, custringhende su bardianu e domo a parare in duos tempos, ma unu minutu infatu, Biancu  si lassat trampare dae Garzoini e si becat su segundu giallu, ch’abberit sa janna a su ruju. Olbia in deghe a su minutu 72. Sos terranoesos sighint a attaccare lassende pero logu mannu a su contropiede de sa contra: Cannavò fuit, si giogat mesa defesa e isbatzinat, Sposito parat ma no mantenet sa boccia e Ngom solu, dae duos passos potes solu unfiare su saccu, in s’unica boccia goal de su segundu tempus pro sos meres de domo.

Ma sa partida no est finida. Nanni giogat bene sa boccia, la donat a La Rosa chi leat duos palos cun unu tiru, sa boccia torrat in campu, ma Ragatzu b’est e no faddit. Ottava rete de cust’annada. E semper isse bi torrat a proare, duas bortas. In sa segunda faghet tremare sa linna de sa traversa, cun su bardianu foras de sa porta, chi nudda aiat potidu faghere. E gasì isponet sa gara, Olbia abbarrat a 18 puntos e isetat su Rimini dominiga chi benit. E s’oriolu de su degradu si torrat a accurtziare.

Condividi l'articolo

Scopri il nostro shop

Mostra il tuo orgoglio per i nostri giocatori e renditi protagonista del gioco.

Ultime notizie

comunicato

La società Olbia  Calcio comunica “di aver sollevato il Sig. Marco Gaburro dall’incarico

comunicato

L’Olbia Calcio è lieta di annunciare il consolidamento della partnership con Geasar,

comunicato

La società Olbia  Calcio comunica “di aver sollevato il Sig. Marco Gaburro dall’incarico

comunicato

L’Olbia Calcio è lieta di annunciare il consolidamento della partnership con Geasar,

Scopri il nostro shop

Mostra il tuo orgoglio per i nostri giocatori e renditi protagonista del gioco.